सदस्यको गरिबीको मापन गर्दै विकू बचत

गैंडाकोट : विकू बचत तथा ऋण सहकारी संस्था लिमिटेडले नेपालमै पहिलो पटक सदस्यहरुको बहुआयामिक गरिबी मापन गर्ने भएको छ । बहुआयामिक विधिमा तीन वटा आयमका १० वटा सूचकहरुको अध्ययन गरी गरिबीको मापन गरिने संस्थाले जनाएको छ ।

स्वास्थ्यसम्बन्धी दुई, शिक्षाका दुई र जीवनस्तरका ६ वटा सूचकहरु समावेश गरी तिनको निचोड निकाली आफ्नो नीति तथा कार्यक्रमहरु त्यसै प्रति लक्षित गरि तयार गरिने संस्थाले जानकारी दिएको छ । यो नेपालमा परम्परागत रुपले गरि आएको गरिबीमापन विधि भन्दा फरक रहेको जनाएको छ ।

उक्त कार्यक्रमका लागि संस्थाले आफ्नो कार्यक्षेत्र भित्रका विभिन्न १८ वटा विद्यालयहरुबाट ५० जना विद्यार्थीहरु सर्वेक्षणकर्ताको रुपमा छनौट गरि अभिमुखिकरण कार्यक्रम सम्पन्न गरेको छ ।

२०४८ साल भाद्र ५ गते स्थापना भएको विकू बचतको हाल ४० हजार शेयर सदस्य, करिब ३ अरब कुल पूँजि तथा ११ बटा सेवाकेन्द्र मार्फत नवलपरासी बर्दघाट सुस्तापूर्व क्षेत्रमा वित्तिय तथा गैरवित्तिय सेवा प्रदान गर्दै आईरहेको छ भने हालै सहकारी संस्थाहरुमा नेपालमै पहिलो पटक एटिएम सेवा पनि संचालन गरेको छ ।