बचत संघ बाराको निर्वाचन तालिका सार्वजनिक

 

बारा । बारा बचत तथा ऋण सहकारी संघको कार्तिक २५ गते सम्पन्न सातौ वार्षिक साधारणसभाबाट नेतृत्व चयन हुन नसकेपछि स्थगन गरिएको नेतृत्व चयनको काम आगामी पौष २३ गते हुने भएको छ ।

शुक्रबार डिभिजन सहकारी कार्यलय कलैया बारामा बसेको संघको निवार्चन समितिको बैठकले नेतृत्व चयनकालागी निर्वाचन कार्यक्रम सहित मिती र स्थान तय गरेको हो । निर्वाचन सम्बन्धि सम्पुर्ण काम डिभीजन सहकारी कार्यलय कलैयामा गरी मतदानको कार्य मनहर्वाको बडहर्वामा गर्ने निर्णय गरेको हो ।

कार्तिक २५ गते डुमवानामा सम्पन्न संघको सातौं वार्षिक साधारण सभामा उपस्थित १ सय १२ वटा बचत तथा ऋण सहकारी संस्थाका प्रतिनिधीहरुले निर्वाचनमा सहभागी हुन पाउने गरी निर्वाचन तालिका समेत सार्वजनिक गरेको छ । जस अनुरुप पौष ११ गते सदस्यहरुको नामावली प्रकाशन गर्ने, १४ गते मतदाता नामावली सच्याउने र अन्तीम नामावली प्रकाशन गर्ने काम हुनेछ ।

त्यसैगरी पौष १७ गते उमेदवारी दर्ता गर्ने, १८ गते उमेदवारहरुको नामावली प्रकाशन गरीने भएको छ । १९ गते दिनभर उमेदवारकाबीच सहमतीको प्रयास गरिनेछ । सोदिनमा सहमती हुन नसकेमा २० गते उमेद्वारीको अन्तीम नामावली प्रकाशन गरी २३ गते सबैलाई मतदानमा सहभागी गराईने भएको छ । र त्यसै दिन मत परिणमसँगै नेतृत्व घोषणा गर्ने निर्णय गरेको निर्वाचन समितिका अध्यक्ष अम्बीका प्रसाद चौलागाईले जानकारी दिए । अध्यक्ष, उपाध्यक्ष, सचिव, सहसचि, कोषाध्यक्ष र १२ सदस्य संचालक समिति मतदानबाट निर्वाचित हुनेछन् ।
बचत तथा ऋण सहकारी संघ बाराको निर्वाचनमा बर्तमान भोला गौतम र सचिव सत्येन्द्र ठाकुरबीच प्रतिशप्रर्धा हुने निश्चित भयपनी अन्य पदाधिकारीको टुङ्गो लाग्न सकेको छैन । उन्य पदहरुमा आकाक्षींहरु धेरै हुनसक्ने अनुमान गरिएको छ ।