लोकप्रिय सहकारीको अध्यक्षमा पुनः चौलागाईं

बारा । लोकप्रिय बचत तथा ऋण सहकारी संस्थाको अध्यक्षमा पुनः अम्बिकाप्रसाद चौलागाईंलाई निर्वाचित भएका छन् । संस्थाको ७ औं साधारणसभाले संस्थापक अध्यक्ष समेत रहेका चौंलागाई चौथो कार्यकालका लागि अध्यक्षमा सर्वसम्मत निर्वाचित भएका हुन् ।

सभाले उपाध्यक्षमा केदारप्रसाद गौतम, सचिवमा लिलानाथ बञ्जारा, कोषाध्यक्षमा अन्जु नेपाली तथा सदस्यहरुमा निर्मला कार्की, सावित्री भारती, विक्रम केसी, अर्जुन घिमिरे, प्रकाश सापकोटालाई सर्वसम्मत रुपमा चयन गरेको हो । त्यसैगरी लेखा समितिको संयोजकमा रुद्रप्रसाद धिताल तथा सदस्यहरुमा सानुवावु अधिकारी र पार्वती अधिकारीलाई सर्वसम्मत चयन गरेको हो ।

साधारणसभाको उद्घाटन बारा जिल्ला बचत तथा ऋण सहकारी संघका अध्यक्ष भोलाप्रसाद गौतमले गरेका थिए । साधारणसभामा संस्थाका अध्यक्ष अम्बिकाप्रसाद चौंलागाईवाट वार्षिक प्रगति प्रतिवेदन, लेखा समितिका सदस्य सानुवावु अधिकारीवाट लेखा समितिको प्रतिवेदन तथा कोषाध्यक्ष केदारप्रसाद गौतमबाट गत आर्थिक वर्ष २०७२/०७३ को आर्थिक प्रतिवेदन प्रस्तुत भएको थियो ।

संस्थाले गत आर्थिक वर्ष २०७२/०७३ मा कूल ८ करोड ९२ लाख ३६ हजार २ सय ४१ रुपैया ३७ पैसाको कारोवार गरी १ करोड १८ लाख ८ सय ६ रुपैयाँ १९ पैसा आम्दानी गर्दै ३१ लाख ५६ हजार ७ सय बयासी रुपैयाँ ४६ पैसा खुद नाफा आर्जन गर्न सफल भएको संस्थाका व्यबस्थापक रोशन तिमल्सिनाले जानकारी दिए ।

त्यसैगरी व्यबस्थापक तिमल्सिनाले संस्थाबाट आफ्ना सेयर सदस्यलाई निश्चित अनुदान सहित सोलार वितरण स्टेण्ड पंखा वितरण गरिनुको साथै उत्कृष्ट बचतकर्ता, ऋणी, विद्यार्थीलाई सम्मान गरिएको जानकारी दिए । सामाजिक उत्तरदायित्व अभियान अन्तर्गत गत आर्थिक बर्षमा महेन्द्र राजमार्गमा खानेपानी टंकी निर्माण गरिएको र यस बर्ष पनि नयाँ काम गर्ने योजना रहेको व्यवस्थापक तिमल्सिनाले सहकारीखबरलाई बताए ।

प्रकाशित मिति : २०७३ पुस ३