सहकारी मैत्री ऐन चाँढै : ओमदेवी

काठमाडौं । राष्ट्रिय सहकारी संघका उपाध्यक्ष तथा सांसद् ओमदेवी मल्लले नयाँ सहकारी ऐन चाँढै आउने बताएकी छिन् । सहकारी तथा गरीबी निवारण मन्त्रीले सहकारी विधेयक संसदमा पेश गरीसकेको जानकारी दिदैं मल्लले सहकारी मैत्री ऐन आउने विश्वास दिलाईन ।

आज (आईतबार) बसुन्धरा स्थित रोयल बहुउद्देश्यीय सहकारी संस्थाको १९ औं साधारणसभालाई सम्बोधन गर्दै मल्लले प्रस्तावित विधेयकमा सहकारीलाई खुम्चाउने र सहकारी प्रति निरुत्साहित गर्ने बुँदाहरु रहेको बताईन ।

मल्लले ती बुँदाहरुलाई साझा संशोधन प्रस्ताव पेश गर्ने बताईन । राष्ट्रिय सहकारी संघले विधेयकको १ सय ४२ धारामध्ये ७० धारामा संशोधन गर्नुपर्ने औल्याएको समेत जानकारी दिईन ।

प्रकाशित मिति : २०७१ असोज १६