यि हुन् सहकारी बैंकले घोषणा गरेको उकृष्ठ सहकारी !

काठमाडौं । राष्ट्रीय सहकारी बैंकले सम्मानित तथा पुरस्कृत हुने संघ/संस्था र व्यक्तिहरुको नामावली घोषणा गरेको छ । बैंकको १४ औं स्थापना दिवसको अवसरमा नामावली घोषणा गरीएको हो ।

सम्मानित तथा पुरस्कृत हुने संघ संस्था र व्यक्तिहरुमा प्रदेश नं १ बाट शुभलाभ साकोस सुनसरी, प्रदेश नं २ बाट उद्यमशिल साकोस बारा, प्रदेश नं ३ बाट सामुदायिक साकोस काभ्रे, प्रदेश नं ४ बाट व्यास साकोस तनहुँ, प्रदेश नं ५ बाट सामूहिक साकोस रुपन्देही, प्रदेश नं ६ बाट ग्रामीण जागरण साकोस सुर्खेत र प्रदेश नं ७ बाट संगम साकोस, कैलाली रहेका छन् ।

त्यस्तै अन्य प्रकृतिका सहकारी संघ/संस्थाबाट हाम्रो पहुँच बहुउद्देश्यीय सहकारी संस्था तुलसीपुर दाङ, महिला सहकारी तर्फ महिला अभियान साकोस भक्तपुर, उपत्यका बाट बालकुमारी साकोस, भक्तपुर रहेका छन् । यस वर्ष सस्थापक सम्मानबाट सिवि लामा, पूर्व संचालक सम्मानबाट राममान श्रेष्ठ र विद्धता पुरस्कारबाट सुर्य रत्न शाक्य सम्मानित हुने भएका छन् ।

छनोट भएका संघ/संस्था र व्यक्तिहरुलाई बैंकको १३ औं साधारणसभामा सम्मान तथा पुरस्कृत गरिने बैंकका सञ्चालक सरिता भट्टराईले बताईन ।