जब सहकारीकर्मी सडकमै सुते !

काठमाडाैं । ओरियन्टल सहकारी पीडित सदस्यहरुले विहीबार बिहान प्रधानमन्त्री निवास बालुवाटार घेराउ गरेका छन् । सदस्यहरुले बीच सडकमै सुतेर संस्थाका अध्यक्ष सुधिर बस्नेतमाथि कडा कारवाही गर्न सरकारसँग माग प्रधानमन्त्री निवास बालुवाटार घेराउ गरेका हुन् ।

बालुवाटार घेराउ गर्ने क्रममा सडकमा प्रदर्शन गर्दा प्रहरीले हस्तक्षेप गरेको र केही सहकारीका सदस्यहरु घाइते बनेका छन् । सदस्यहरुले लामाे समय देखि अाफ्नाे रकम फिर्ता गराउन विभिन्न निकायलाई हार गुहार गरेका छन् । तर सरकारी तथा सहकारीका कुनैपनि निकायकाे ध्यान पुग्न सकेकाे छैन । सहकारीका विभिन्न संघ संस्थाहरुले यस विषयमा चासाे दिनुपर्नेभएपनि यसमा कसैकाे ध्यान पुग्न नसकेकाे एक पिडित सदस्यले बताए ।

सहकारीका विभिन्न निकायकाे पदमा बस्ने तर सहकारीका सदस्यलाई समस्या पर्दा कानमा तेल हालेर बस्ने प्रवृतिका कारण सहकारी प्रति अाम जनताकाे चासाे घट्दै गएकाे छ ।