सहकारीकर्मीहरु बंगलादेश प्रस्थान

काठमाडौं । नेपाल र बंगलादेशको सहकारी अभियानको २० औं मैत्रीपूर्ण सद्भावना भ्रमण र सिकाई आदान प्रदानको लागि सहकारीकर्मीहरु बंगलादेश प्रस्थान गरेको छ ।
नेपाल बचत तथा ऋण केन्द्रीय सहकारी संघ (नेफ्स्कून)का लेखा तथा सुपरिवेक्षण समिति सदस्य हुमा डी.सीको नेतृत्वमा सहकारी तथा गरिबी निवारण मन्त्रालय, सहकारी विभाग र विभिन्न जिल्लाका १२ वटा साकोसका प्रतिनिधि सम्मिलित टोली बंगलादेश प्रस्थान गरेको हो ।
भ्रमण टोलीलाई नेफ्स्कूनका कोषाध्यक्ष नानीबाबु बुढाथोकीले विदाई गरेका थिए ।