राप्तिपारीका सहकारीकर्मीलाई आधारभुत सहकारी शिक्षा

दाङ । राष्ट्रिय सहकारी बैंक, डिभिजन सहकारी कार्यालय दाङ र जिल्ला सहकारी संघ, दाङ को संयुक्त आयोजनामा राप्तिपारी संचालनमा रहेका ६० सहकारी संस्थाहरुका १०० भन्दा वढि प्रतिनिधिहरु आधारभुत सहकारी शिक्षा दिईएको छ ।

शिविरमा राष्ट्रिय सहकारी बैंकको आवश्यकता,महत्व र भुमिका साथै सहकारी संचालन गर्दा भोगनु परेका समस्याहरु र सामाधानका उपायहरुका बारे राष्ट्रिय सहकारी बैंक दाङ शाखा प्रमुख नारायण बेल्वासेले सहजीकरण गरेका थिए । त्यस्तै सहकारी ब्यवस्थापन, लेखापरिक्षण, कर, कोषहरुको परिचालनको बिषयमा जिल्ला सहकारी संघ दाङका सचिव कृष्ण प्रसाद शर्माले सहजिकरण गरेका थिए ।

जिल्ला संघको महत्वको सम्वन्धमा संघका अध्यक्ष गोबिन्द प्रसाद शर्मा, बिषयगत संघको आवश्यता र औचित्य को सन्र्दभमा बचत संघका अध्यक्ष अन्जन कुमार पोडेल र बहुउदेश्यीय संघका अध्यक्ष कृष्ण प्रसाद गौतमले सहजिकरण गरेका थिए ।

लेखापरिक्षण, साधारण सभा, मासिक प्रतिबेदन लगाएत डिभिजन सहकारी कार्यालको सन्र्द्रभमा सहकारी निरिक्षक जागेश्वर नेपाली सहभागीलाई प्रस्ट पारे ।