अन्तर सहकारी फूटबलको उपाधी जनमैत्री साकोसलाई

काठमाडौं । काठमाडौंको महाबौद्ध र आसपासका सहकारी संस्था बीचको सद्भाव र मित्रतालाई अझ बढी मजबुत बनाउने उद्देश्यका साथ अन्तर सहकारी फूटवल खेल सम्पन्न भएको छ । अविच्छिन्न बचत तथा ऋण सहकारी संस्थाको आयोजनामा खेल तीन दिनसम्म सञ्चालन भएको थियो ।

अखिल नेपाल फूटवल संघ (एन्फा) को खेल मैदान सातदोबवाटो, ललितपुरमा सञ्चालित उक्त खेलमा आयोजक संस्था अविच्छिन्न साकोसलगायत ८ वटा सहकारी संस्थाको सहभागित रहेको थियो । सहभागी सहकारी संस्था मध्ये जनमैत्री बचत तथा ऋण सहकारी संस्थाले प्रथम स्थान हासिल गर्न सफल भयो भने दोस्रो र तेस्रोमा क्रमशः दब्यलाभ बचत तथा ऋण सहकारी संस्था र घर आँगन बचत तथा ऋण सहकारी संस्था आउन सफल भए । सहभागी अन्य सहकारी मध्ये श्री लाभ बचत तथा ऋण सहकारी संस्था फेयर प्ले टिमबाट सम्मानित भयो भने कृजन बचत तथा ऋण सहकारी, अनिवार्य बचत तथा ऋण सहकारी र ऊँ साईनाग बहुउद्देश्यीय सहकारीलाई सहभागिताको प्रमाण–पत्रद्वारा सम्मानित गरिएको थियो ।

खेलको अन्तिम दिन प्रथम, द्वितीय र तृतीय हुने संस्था र खेलाडीहरुलाई प्रमुख अतिथि सभासद नविन्द्रराज जोशीले ट्रफी, मेडल र प्रमाण–पत्र वितरण गरेका थिए ।  खेल अवधिमा सर्वोकृष्ट खेलाडी जनमैत्री बचत तथा ऋण सहकारी संस्थाका हितराज लिम्बुलाई एन्फाका कार्यवाहक अध्यक्षले ट्रफी प्रदान गरे ।