८ उत्कृष्ठ सहकारी सम्मानित (नामावली सहित)

काठमाडाैं । राष्ट्रिय सहकारी बैंकले उत्कृष्ठ अाठ वटा सहकारी संघ/संस्था सम्मान तथा पुरस्कृत गरेकाे छ । बैंककाे १२ अाैं साधारणसभाकाे अवसरमा सदस्य संघ/संस्था मध्ये विभिन्न विधामा अाठ सहकारी पुरस्कृत तथा सम्मान गरेकाे हाे ।

क्षेत्रिय रुपमा सम्मानित हुने सहकारी संस्थाहरुमा नवदुर्गा बहुउदेश्यीय सहकारी, दमक (पूर्वाञ्चल), संजिवनी साकाेस, मकवानपुर (मध्यमाञ्चल), लुम्बिनि साकाेस, बुटवल (पश्चिमाञ्चल), समूदायिक साकाेस, घाेराही (मध्यपञ्चिमान्चल), किसान जागरण बहुमुखी सहकारी, कञ्चनपुर (सुदुरपश्चिमाञ्चल) रहेका छन् ।

उपत्यका विधामा अन्तरगत सिद्दिगणेश साकाेस भक्तपुर, महिला सहकारी विधामा महिला साकाेस, इटहरी सुनसरी रहेका छन् । त्यस्तै उत्कृष्ठ उत्पादन सहकारी विधामा बाग्लुङ दुग्ध उत्मादक सहकारी रहेका छन् ।

त्यस्तै विभिन्न व्यक्तिहरु पनि सम्मानित भएका छन् । यसरी सम्मानित हुनेमा अाेमप्रकाश शर्मा (पूर्व संचालक तथा लेखा समिति संयाेजक), राजेशहरि जाेशी (पूर्व अध्यक्ष), गाेविन्द बहादुर मल्ल (पूर्व संस्थापक संचालक) र विश्वमाेहन अाचार्य (खाेज अनुसन्धान तथा सहकारी विध्याविराधी ) रहेका छन् ।