ऐनको केही बुँदामा मात्र मत भिन्नता छ : सहकारी सचिव

काठमाडौं । सहकारी तथा गरिबी निवारण मन्त्रालयका सचिव शंकर प्रसाद अधिकारीले ऐनको प्रारम्भिक मस्यौदाको केही बुँदामा सहकारी अभियानको मत भिन्नता रहेको बताएका छन् । सहकारी अभियान संग विभिन्न चरणमा छलफल गरी उहाँहरुको सुझावलाई समेत समावेश गरी मस्यौदा तयार गरीएको उनले जानकारी दिए ।

‘सहकारी अभियानका केही साथीहरुले ऐन पारीत गर्न नदिने हल्ला गरेका छन्’, उनले भने, ‘मन्त्रिपरिषद्बाट पास भएपछि संसदको कार्यक्षेत्र भित्र आउँछ । पास गर्ने या नगर्ने संसदकै जिम्मामा छ । हाम्राे भूमिका केही रहँदैन ।’

नयाँ ऐनले सहकारी क्षेत्रमा देखा परेका समस्याहरुलाई सम्बोधन गर्दै थप सबल, सक्षम र विश्वसनीय बनाउने मन्त्रालयद्वारा अायाेजित पत्रकार भेटघाटमा सचिव अधिकारीले  भने । मस्यौदामा गरिएका व्यवस्थाहरुबाट सहकारीको बिकास, विस्तार र प्रवद्र्धनमा थप टेवा पुग्ने उनकाे भनाई थियाे ।