दिल्लीको राजपथ योगपथमा परिणत

काठमाडौं । छिमेकी मुलुक भारतमा अन्तराष्ट्रिय योग दिवश राष्ट्रिय पर्वकै रुपमा मनाइएको छ ।

भारतको राजधानी दिल्लीमा रहेको राजपथमा भारतीय प्रधानमन्त्री नरेन्द्र मोदीले उत्साहपूर्ण सहभागिता जनाएका छन् । उनले आज पहिलो अन्तर्राष्ट्रिय योग दिवश मात्रै नभएर योगको नयाँ युग सुरु भएको बताए । दिल्लीको राजपथ योगपथमा परिणत भएको थियो ।

राजपथ मात्रै नभएर पुरै दिल्ली लगायत भारतका प्रमुख सहर योगामय बनेका थिए । प्रधानमन्त्री मोदीले योगाले मानिसमा मानवीयता र सदभावको नयाँ सुरुवात गर्ने बताए । उनले योगले मानिसमा नयाँ उर्जा, सँस्कार र जाँगरको जन्म गराउने हुँदा यसको उच्च महत्व भएको धारणा राखे ।