स्वच्छ सहकारी

– सुजना पाण्डे

जागौं जागौं जागौं अब जाग्ने बेला भो
सहकारी अभियान स्वच्छ राख्ने बेला भो ।।
तीन खम्वे नीतिको एक खम्वा हो सहकारी
मौलाउँदा सहकारी घट्छ, गरीबी र बेरोजगारी ।।

………………………….

सहकारी संघ—संस्था हाम्रै वरीपरी
सफलता र समृद्धि भने मात्र सीमापारी ।।
जताहेर्यो उतै देखिन्छन् सहकारीकर्मी
सहकारीकर्मीनै फैलाउँदैछन् बेइमानी र वेशर्मी ।।

………………………….

भाषणमा होइन शासनमा अब सहकारीलाई सुधार्नुछ
स्वच्छ व्यवहार र चरिेत्रले आफैलाई सिंगार्नु छ ।।
चाकडीको खेती र विकृतिको मेलामेसो अब यहीं रोकौं
वास्तविक अभियन्ताको सपनालाई अब साकार पारौं ।।

………………………….

सभा र गोष्ठि अनि दौडधुपले मात्र हुँदैन सहकारीको विकास
नीति र नियत ठीक गरी खोज्नुपर्छ सहकारी विकासको निकास ।।
शान्ति, सफलता, समृद्धि, संस्कृतिको सारथी हो सहकारी अभियान
अभियानको मर्म वुझि आफनो चित्र कोरौं सहकारीमा महान ।।

………………………….

सहकारी शासन र विधि संसार उजिल्याउने साधन हुन्
अहिलेका सहकारीकर्मी हेर्यो भने लाग्छ यी मान्छे हुन की बाँदर हुन् ।।
सहकारीको सुन्दरता र सौम्यता अब बचाइराख्नुछ
देश विकासको माध्यम अब सहकारीलाईनै बनाउनु छ ।।
जय सहकारी ।।