सहकारीलाई अनुशासित र जोखिमरहित बनाउन एकीकृत सहकारी प्रणाली

बर्दिवास । नेपाल बचत तथा ऋण केन्द्रीय सहकारी संघ (नेफ्स्कून) का सञ्चालक कृष्ण पौडेलले सहकारी क्षेत्रलाई अनुशासित र जोखिमरहित बनाउन नेफ्स्कूनले एकीकृत सहकारी प्रणाली लागु गर्ने तयारी गरिरहेको बताएका छन् ।

आज महोत्तरीको बर्दिवासस्थित बर्दिवास बचत तथा ऋण सहकारी संस्थाको तेस्रो वार्षिक साधारणसभामा बोल्दै उक्त कुरा बताएका हुन् । सहकारी विशेषतः बचत तथा ऋण क्षेत्रका उपलव्धिहरुलाई संस्थागत गर्न र जोखिम तथा विकृतिहरुलाई हल गर्नका लागि नीतिगत केन्द्रीयता र सञ्चालन स्वायत्तता लागु गर्न खोजिएको पौडेलले बताए ।

कार्यक्रममा सामाजिक क्षेत्रमा क्रियाशिल सदस्यहरु र उत्कृष्ट कारोवारकर्ताहरुलाई सम्मान गरिएको थियो ।
उदघाटनसत्रपछि आयोजित बन्दसत्रमा अध्यक्ष सिंह र लेखा संयोजक भरत श्रेष्ठको प्रतिवेदन सुझावसहित पारीत गरेको छ ।

तीन वर्षअघि स्थापित संस्थामा हाल छ सय सदस्यहरुवीच चार करोडको कारोवार गरिरहेको छ । गत वर्ष संस्थाले नौ लाख वीस रुपैया मुनाफा आर्जन गरेको र सदस्यहरुले पन्ध्र प्रतिशत लाभांश वितरण गर्ने भएको छ ।