ग्लोवल आईएमई बैंकलाई ‘बैंक अफ दि इयर’ अवार्ड

काठमाडौं । ग्लोवल आईएमई बैंकले ‘बैंक अफ दि इयर’ अवार्ड पाएको छ । बेलायतको फाइनान्सियल टाइम्सको ‘द बैंकर’ पत्रिकाको निर्णायक मण्डलले ‘बैंक अफ दि इयर’ घोषणा गरेको हो । विश्वका विभिन्न बैकहरुले प्राप्त गरेको सफलतालाई आधार बनाएर हरेक बर्ष सो अवार्ड प्रदान गर्ने गर्छ ।

बैक अफ दी ईयर लामो ऐतिहासिक पृष्ठभूमि भएको बिश्वमै प्रतिष्ठित अन्तर्राष्ट्रिय स्तरको बैंकिङ उपाधि हो । विजेता बैंकको व्यवस्थापन उत्कृष्ठ रहेको, व्यावसायिक संरचना सक्षम रहेको र जोखिम व्यवस्थापन उपयुक्त रहेको प्रमाणित गर्दछ ।

बिहिबार लण्डनको पार्क लेनस्थित होटल ईन्टरकन्टिनेन्टलमा आयोजित कार्यक्रममा बैंकका अध्यक्ष चन्द्रप्रसाद ढकाल र प्रमुख कार्यकारी अधिकृत रत्नराज बज्रचार्यले सम्मान ग्रहण गरेका छन् । कार्यक्रममा विश्वका करिब १ सय ३० भन्दा बढी मुलुकका बैंकर्सहरुले सहभागिता रहेको थियो ।

अवार्ड पाउदा निकै खुशी लागेको अध्यक्ष ढकालले प्रतिक्रिया दिए । ढकालले यस्तो अवार्डले बित्तीय क्षेत्रमा काम गर्न थप हौसला प्रदान गर्ने बताउँदै ग्लोवल आईएमई बैकले निकट भनिष्यमा अष्ट्रेलियाबाट समेत आफ्नो सेवा सुरु गर्न लागेको जनाकारी दिए ।