जिल्ला सहकारी संघ ललितपुरमा सहकारी संवर्धन केन्द्र निर्माणको लागि ४.१८३ करोड भारतीय सहयोग

ललितपुर । जिल्ला सहकारी संघ ललितपुरमा सहकारी संवर्धन केन्द्र निर्माण हुने भएको छ । उक्त केन्द्र निमार्णका लागि भारतीय राजदूतावास काठमाडौं, जिल्ला विकास समिति ललितपुर र जिल्ला सहकारी संघ ललितपुर बीच आइतबार सम्झौता भएको छ ।

उक्त परियोजना जिल्ला विकास समिति ललितपुरले ४.१८३ करोड लागतमा कार्यान्वयन गर्ने सम्झौता भएको छ । सदस्य सहकारीहरुलाई नेतृत्व, संवर्धन, सहयोग गर्ने उद्धेश्यले १९७२ मा स्थापित जिल्ला संघ सदस्य सहकारी तथा सदस्य कृषकहरुलाई सहयोग गरी सवलबनाउने कार्य गर्दै आएको छ । संघ नेपालकै उत्कृठ जिल्ला संघ हो ।

सहकारीप्रवर्धन केन्द्र निर्माण गरी बहुसंख्यक उपभोक्तालाई समेटी तिनका आवश्यकता परिपुर्ति गर्ने ध्येय राखेको छ । कृषीउत्पादनमा रहर हुनेहरुकालागि सूचना केन्द्रको रुपमा समेत यसले सहयोग प्रदान गर्ने जनाएको छ । सहकारी संवर्धन केन्द्र निर्माणबाट सहकारी वजारीकरण क्षमताअभिवृद्धि भै किसानहरुलाई लाभपुग्ने संघले जनाएको छ । यसले किसान र उपभोक्ताबीचप्रत्यक्ष सम्बन्ध राख्ने भएकाले उपभोक्तालाई दोहोरो फाइदा पुग्ने छ । यसबाट ललितपुर र आशन्न जिल्लाका करिव २ लाख भन्दाबढी जनतालाई प्रत्यक्ष फाइदापुग्ने अनुमान गरिएको छ । 

यस परियोजनाको अतिरिक्त ने.रु. १७.९४३ करोड लागतमा अन्य पाँच वटा परियोजना काकामहरु समेत ललितपुर जिल्लामा सुचारु छन् । यस जिल्लालाई भारतले ११ एम्बुलेन्स तथा ६ ओटा बससमेत उपहार प्रदान गरेको छ ।