नव काभ्रेली सहकारीको सेयर पुजी एक करोड

 काठमाडौं  १० भदौ । नव काभ्रेली बचत तथा ऋण सहकारी संस्थाको सेयर पुँजी एक करोड रुपैयाँभन्दा माथि स‌कलन गरेको छ  । संस्थाको १४औँ वार्षिक साधारणसभाको अवसरमा आयोजित कार्यक्रममा संस्थाले आर्थिक वर्ष २०७०÷०७१ मा संस्थाको सेयर पुँजी एक करोड ४१ लाख ९४ हजार चार सय रुपैयाँ रहेको जानकारी दिएको हो ।

छ करोड २० लाख ४२ हजार पाँच सय ७५ रुपैयाँ ऋण लगानी गरेको संस्थाले दुई लाख सात हजार नौ सय ९७ रुपैयाँ नाफा आर्जन गरेको छ । छ सय ६४ सदस्य रहेको सो संस्थाले गत साउन १६ सिन्धुपाल्चोकको जुरेमा गएको पहिरोबाट पीडितहरुलाई राहत प्रदान गर्नका लागि ३८ हजार रुपैयाँ संकलन गरेको छ ।

संस्थाले २० हजार रुपैयाँ र कार्यक्रममा उपस्थित अन्य व्यक्तिहरुबाट १८ हजार रुपैयाँ गरी ३८ हजार राहत संकलन गरिएको संस्थाका अध्यक्ष गणेशबहादुर अधिकारीले बताए ।  कार्यक्रममा नेपाल बचत तथा ऋण केन्द्रीय संघ (नेफ्स्कुन)का अध्यक्ष ऋषिराम घिमिरेले महिला, बालबालिका, सामाजिक परिवर्तन र सुधारका लागि सहकारी संस्थाहरुले पहल नगरे ती वास्तविक सहकारी नहुने बताए ।

संस्थाहरुमा आर्थिक सुशासन कायम गर्नुपर्नेमा उनले जोड दिए । संस्थाले आयोजना गरेको रक्तदान कार्यक्रममा ४२ जनाले रगत दान गरेका थिए । कार्यक्रममा डिभिजन सहकारी कार्यालय काठमाडौंका प्रमुख बलराम निरौला, सहकारीविज्ञ नारायण शर्मा गैरेलगायत विभिन्न सहकारी संस्थाका पदाधिकारीहरुको उपस्थिति रहेको थियो ।