पालुङ सहकारीका अध्यक्ष सहित ११ लाई ३ वर्ष जेल सजाय

मकवानपुर २७ जेठ । मकवानपुर जिल्ला अदालतले पालुङ बचत तथा ऋण सहकारी संस्थाका अध्यक्ष रामबहादुर बस्नेतलगायत ११ जना सञ्चालकलाई जनही तीन वर्षको कैद सजाय सुनाएको छ ।

स्थानीय वचतकर्ताको तीन करोड ६२ लाख रुपैयाँ हिनामिना गरेको अभियोगमा जिल्ला न्यायाधीश वासुदवे पौडेलको एकल इजलाशले ६२ लाख ९०० बराबर दण्ड गर्ने फैसला पनि गरेको छ ।

विसं २०५९ वैशाखमा दर्ता मिति रहेको पालुङ सहकारीले करिब ५५० जना बचतकर्ताले बचत गरेको तीन करोड ६२ लाख अध्यक्ष बस्नेत र सञ्चालकहरुले हिनामिना गरेको आरोपमा स्थानीय वचतकर्ताले २०७० वैशाख २३ गते जिल्ला अदालतमा मुद्दा दर्ता गराएका थिए ।