सहकारी पिडित ८५ वर्षीया घिमिरको बिलौना (भिडियो सहित हेर्नुस्)

काठमाडौं, २३ चैत । पुख्र्यौली घर जनकपुर भएपनि हाल थापाथलीमा बस्दै आएकी रत्नदेवी घिमिरेको साहरा भन्नु कोही छैन । उनले ८४ वर्ष उमेर पार गरी सकेकी छिन् । काम गर्न नसक्ने भएपछि उनी अहिले जोगी बनेकी छिन् ।
अरुबाट मागेर खाइ बचेको रकम विगत सात वर्षअघिदेखि नजिकै रहेको एक्जिम बहुउद्देश्यीय सहकारीमा पैसा जम्मा गर्दै आएकी थिइन । मागेर जम्मा भएको पैसा विश्वासीलो संस्था भनेर जम्मा गर्दै जाँदा झण्डै सात लाख जम्मा भएको उनी बताउँछिन् । तर, एक वर्ष देखि संस्थाका सञ्चालकहरु फरार भएको खबर उनको कानमा परेपछि उनी यतिबेला चिन्तित छन् । सहकारीका संचालक उनीहरुको पैसा फिर्ता गर्न सकेका छैनन् । बचत गर्दा गर्दै सावाँ ६ लाख रहेको र व्याज सहित गरेर ७ लाख भएको उनी दाबी गर्छीन । ‘मैले जीवनमा कमाएको पैसा त्यहि हो । ६ लाख जम्मा भएको थियो । १ वर्ष जती भयो व्याज पनि पाएको छैन’ उनले भनीन् ।
 
त्यस्तै थापाथलीस्थित एक मन्दिरमा बस्दै आएकी सन्यासी एक सय आठ बंगलामुखी बैरागी दासको ६ लाख रुपियाँ सोही सहकारीमा फसेको छ । ‘हामीहरुको चिहान किन्नु पर्छ । खाइ नखाइ त्यसैले पैसा जम्म गरेको थिए । धेरै समय भैसक्यो । अफिस पनि बन्द छ ।’ उनले बनिन्– ‘अफीसका हामीहरु पनि भेटिदैंन, कहाँ जाने मलाई थाहा पनि छैन । भगवानको नाम जप्दै बसेको छु ।’
भिडियो हेर्नुस्