गाविसका सबै घरधुरी सहकारीमा आवद्ध भएको घोषणा

मकवानपु, १९ चैत । मकवानपुर जिल्ला कोगटे गाऊ विकास समिति अन्र्तगत रहेको श्री सिर्जनशिल महिला बचत तथा ऋण सहकारी संस्थामा गाविसका सबै घरधुरी सहकारीमा आवद्ध भएका छन् । संस्थाले सोमबार सबै घरधुरी सहकारीमा आवद्ध भएको एक कार्यक्रम गरी घोषणा गरिएको छ ।

उक्त गाविसमा २ सय ६० घर परिवार मध्ये २ सय ५२ घर महिला सहकारीमा आवद्ध भएको हो । महिला सहकारी भएकाले बाँकी ८ घर मध्ये केही घरमा पुरुष सदस्य भएका कारण आवद्ध गराउन नसकिएको र बाँकी केही घरमा शारिरीक अशक्तताको कारण सहकारी सम्म आउन नसक्नाले ८ घर लाई आवद्ध गराउन नसकिएको जनाएको छ ।

ग्रामिण क्षेत्रको महिलाहरुले विगत १३ वर्ष देखि निरन्तर रुपमा संस्था संचालन गर्दैै हाल गाविसको लक्षित वर्ग सम्म सहकारी लाई पुर्याउन सकिएकोमा संस्थाको सदस्यहरुमा दंग छन् ।

घोषणा कार्यक्रममा नेपाल केन्द्रिय बचत तथा ऋण सहकारी संघका उपाध्यक्ष अमृता सुब्बा, जिल्ला विकास समितिको स्थानिय विकास अधिकारी गोकर्ण प्रसाद शर्मा, जिल्ला सहकारी संघ मकवानपुरको अध्यक्ष वद्री लम्सालको उपस्थिति रहेको थियो । कार्यक्रममा डिभिजन सहकारी कार्यालय, मकवानपुरको प्रमुृख भीम परियारले अनुगमन गरि सय प्रतिशत घरधुरी आवद्धताको प्रमाण पत्र बाचन गरी घोषणा गरेका हुन् ।

उक्त सहकारी २०५७ सालमा डिभिजन सहकारी कार्यालय मकवानपुरमा दर्ता भई संचालनमा रहेका छ ।