महासम्मेलनको खर्च हिसाब किताब भएको छैन : बडाल

काठमाडौं, १६ चैत । राष्ट्रिय सहकारी संघका अध्यक्ष केशव वडालले ११ देखी १३ गते सम्म काठमाडौंमा भएको प्रथम सहकारी महासम्मेलनले ७३ जिल्लाका सहकारीका प्रतिनिधित्वहरुलाई सहकारीका बारेमा थप बुझ्न र विर्मश लिन सफल भएको बताएका छन् ।

महासम्मेलनमा भएका कुराहरु सम्मेलनमा सहभागी जिल्लाका प्रतिनिधिहरुले सहकारी दिवसका दिन लाखौं सहकारीका व्यक्तिहरुलाई यस बारेमा बुझाउने भएका कारण महासम्मेलनको यो पक्ष सक्षम बनेको उनको भनाइ थियो । आज काठमाडौंको मिडिया इन्टरनेशनलले आयोजना गरेको ‘सहकारी महासम्मेलनको खर्च र उपलव्धि’ विषयक अन्तरक्रिया कार्यक्रममा बोल्दै अध्यक्ष बडालले महासम्मेलनमा भएका खर्चको बारेमा अहिले सम्म कुनै पनि हिसाब किताब नभएको बताए ।

सम्मेलनको आम्दानी खर्च स्टेरीङ कमीटिको बैठक पछि सार्वजनीक गरीने बताए । महासम्मेलन चलिरहँदा बाहिर सहकारी पिडित व्यक्तिहरुले कालो झण्डा संगै निकै विवाद गरे पनि त्यो विबाद सहि ठाँउमा प्रयोग नभएको बताए । बडालले त्यो रिस र आक्रोस सहि ठाँउमा प्रयोग गर्न सुझाब समेत दिए ।

महासम्मेलनमा सहकारीका व्यक्तिहरुले खेल्नु पर्ने दायित्व कसरी खेल्ने भन्ने विषयमा पनि गहन छलफल भएको र सहकारी भित्र देखापरेका समस्याहरुलाई पनि केहि हदसम्म निराकरण गर्ने पनि विश्वास व्यक्त गरे । त्यस्तै कार्यक्रममा बोल्दै राष्ट्रिय सहकारी विकास बोर्डका सञ्चालक दक्ष पौडेलले सहकारीमा देखा परेका समस्याहरु निराकरण गर्न गाँउ गाँउमा सहकारीको बारेमा जागरण ल्याउन आबश्यकता रहेको बताए ।

महासम्मेलनले सहकारीमा देखा परेका समस्याहरुलाई हल गर्ने हिसाबले कुनै पनि बहस नभएको बताउँदै भोलीका दिनमा सहकारीमा विषयलाई सहि किसिमले अगि बढाउन भने यस महासम्मेलनले निकै ठुलो भुमिका खेल्ले बताए ।

कार्यक्रममा बोल्दै सहकारी विभागका रजिष्ट्रार केदार न्यौपानेले सहकारीको बारेमा जान्न खोजेका र बुझन चाहाने व्यक्तिहरुलाई यस सम्मेलन कोसेढुङ्ग भएको बताए । समुदायमा आधारित सहकारीलाई मात्र राम्रो सहकारी भएको उनको भनाइ थियो ।