महासम्मेलनमा सहकारीकर्मीलाई सहभागी गराउन समस्या

काठमाडौं, ६ चैत । ‘सहकारी मार्फत दिगो आर्थिक विकास र सामाजिक न्याय’ भन्ने नाराका साथ नेपालको सहकारी इतिहासमै पहिलो पटक हुन लागेको सहकारी महासम्मेलनमा कसरी धेरै भन्दा धेरै मानिस उपस्थित गराउने भन्ने बारेमा आयोजकलाई समस्या परेको छ ।

महासम्मेलन शुरु हुने दिन चैत ११ गते दशरथ रंगाशालामा भेला हुने कार्यक्रम छ । राष्ट्रिय सहकारी संघका अध्यक्ष केशव वडालले पहिलो दिन १ लाख सहकारीकर्मी उतार्ने भनी भाषण गर्दै हिडेका छन् । १ लाख मानिस उर्तान सहज नभएको एक सहकारीकर्मीले बताए । संघले विभिन्न विषयगत संघ, जिल्ला संघहरुलाई आफ्ना सदस्य संस्थालाई उपस्थित गराउन अनुरोध गरेको छ ।

प्लेकार्ड, व्यानर, झाँकी, संस्कृति झल्कने भेष भुषा, बाजा गाजा, संभाव भए आ– आफ्नो पोशाक, भेष्ट, क्याप, ज्याकेट सहित संचालक समिति, लेखा समिति, उपसमिति, सल्लाहकारहरु, सदस्य लगायत सहकारीका शुभेच्छुक समेत सहभागी गराउन अनुरोध गरेको छ ।

सम्मेलन नेपाल सरकार, सहकारी तथा गरीवी निवारण मन्त्रालय, राष्ट्रिय सहकारी संघ, राष्ट्रिय सहकारी विकास वोर्ड र सहकारी विभागको संयुक्त आयोजनामा हुन लागेको हो । अन्तर्राष्ट्रिय सहकारी महासंघका अध्यक्ष “डोम पाउलिन ग्रिन” लगायत राष्ट्रिय तथा अन्तर्राष्ट्रिय क्षेत्रका सरकारी तथा सहकारीस“ग सम्बद्ध निकायका ७ सय ५० भन्दा वढि प्रतिनिधिहरूको सहभागिता रहने आयोकको भनाइ छ ।

सम्मेलन सोल्टी होटलमा चैत्र ११, १२ र १३ गते सम्म चल्ने छ । पहिलो दिन ¥याली कुपण्डोल, माइतिघर, रत्नपार्क र टेकुबाट रंगाशालामा गएर सभामा परिणत हुने जनाएको छ ।