संसदमा वडालले भने– सहकारीको विकृती घटाउन सबै लाग्नुपर्छ

काठमाडौं, ४ चैत । राष्ट्रिय सहकारी संघ नेपालका अध्यक्ष तथा संविधान सभाका सदस्य केशवप्रसाद बडालले सहकारी क्षेत्रमा देखिएको विकृतिलाई घटाउन सबै लाग्नु पर्ने बताएका छन् ।

आज बसेको व्यवस्थापिका–संसद्को बैठकमा बडालले सहकारी क्षेत्रमा सरोकार भएका सबै निकाय एकताबद्ध भएर लाग्नुपर्नेमा जोड दिए । सहकारी आन्दोलनबाटै मुलुकलाई आर्थिक समृद्धितिर अघि बढाउन सकिने भएकाले यस तर्फ लाग्नुपर्ने उनको भनाइ थियो ।

त्यस्तै अन्तर्राष्ट्रिय क्रिकेट काउन्सिल (आइसिसी) ले सञ्चालन गरेको विश्वकप ट्वन्टी–ट्वन्टी क्रिकेट प्रतियोगितामा नेपालले पहिलो विजय हासिल गरेकामा नेपाली खेलाडीप्रति बधाइ ज्ञापन समेत गरेका थिए ।