चैत ११, १२ र १३ मा प्रथम राष्ट्रिय सहकारी महासम्मेलन

काठमाडौं, १८ फागुन । नेपालमा पहिलो पटक प्रथम राष्ट्रिय सहकारी महासम्मेलन हुने भएको छ । ‘सहकारी मार्फत दिगो आर्थिक विकास र सामाजिक न्याय’ भन्ने नाराका साथ हुने महासम्मेलन चैत ११, १२ र १३ गते काठमाडौंको सोल्टी होटलमा हुनेछ ।

महासम्मेलनमा अन्तराट्रिय सहकारी महासंघका अध्यक्ष डेम पाउसलन ग्रिन लगायत विभिन्न प्रतिनिधिहरु आउने छन् । विदेशी तथा स्वदेशी विभिन्न निकायका गरी ७ सय ५० जनाको सहभागी रहने आज आयोजित पत्रकार सम्मेलनमा जानकारी गराइयो । महासम्मेलनको उद्घाटन ११ गते काठमाडौं, भक्तपुर, ललितपुर, धादिङ, नुवाकोट, काभे्रका सहकारीकर्मीहरु बाजा, भेषभुषा झल्काउने झाँकी सहितको र्याली दशरथ रंगशालामा पुगेर सभामा परिणत हुने जनाएको छ । सम्मेलनको दास्रो र तेस्रो दिन राष्ट्रिय तथा अन्तराष्ट्रिय विषय विद्हरुद्वारा सहकारी उद्यम व्यवसायिक मोडल, नेपालको सहकारी अभियानः सन् २०२० को परिकल्पना, गरीबी निवारणमा सहकारी, राष्ट्रिय सहकारी नीति, कानुन, सहकारी शुसासन, कर क्षेत्रका सवाल र भावीनीति, वित्तिय, कृषि सेवा, उत्पादन विविधिकरण र वजारीकरण, महिला तथा युवाको सहभागीता लगायतका कार्यपत्र प्रस्तुत तथा छलफल सहितको घोषजापत्र जारी हुने सम्मेलनका सहअध्यक्ष तथा राष्ट्रिय सहकारी संघका अध्यक्ष केशव प्रसाद वडालले जानकारी दिए ।

सहकारी प्रतिको विश्वसनियता बृद्धि गरी तीनका सेवा तथा उत्पादनलाई अझ गुणात्मक तथा प्रतिस्पर्धि बनाई सहकारी आदर्श अनुरुप सदस्य, समुदाय तथा राष्ट्रमा सहकारीको छवीलाई गाढा बनाउने, कमजोर वर्ग, क्षेत्र र समुदायको आर्थिक उपार्जन र सामाजिक सशक्तिकरणमा सहकारी पद्धतिलाई उत्तम व्यवसायिक मोडलका रुपमा अपनाउन महासम्मेलनमार्फत विश्वास गरीएको छ ।