श्री लालीगुराँस सहकारीद्धारा अर्धबार्षिक वित्तिय विवरण सार्वजनिक, ६ महिनामा ३ करोड २० लाख मुनाफा

काठमाडौ,१५ फागुन । पुल्चोक स्थित श्री लालीगुराँस बहुउद्देश्यीय सहकारी संस्था लिमिटेडले आर्थिक वर्ष २०७०÷७१ को अर्धबार्षिक वित्तिय विवरण सार्वजनिक गरेको छ । विवरण अनुसार संस्थाले ६ महिनामा ३ करोड २० लाख ३ हजार ७ सय ५६ रुपैया संचालन मुनाफा आर्जन गरेको छ ।

त्यसैगरी, ०७० असार सम्मको कूल कारोबार २ अर्ब ५७ करोड १२ लाख ४१ हजार ९ सय ४४ रुपैया रहेकोमा ०७० पुसमा ११ दशमलब ९९ प्रतिशतले बृद्धी गरी कुल कारोवार २ अर्ब ८७ करोड ९५ लाख ७३ हजार ८ सय ५ रुपैया पुगेको छ । संस्थाको ०७० असारमा २ अर्ब १६ करोड ६७ लाख ९८ हजार ४ सय ३६ रुपैंयाँ निक्षेप रहेकोमा ०७० पुसमा १४ दशमलब २२ प्रतिशतले बृद्धी भई २ अर्ब ४७ करोड ४८ लाख ९५ हजार ३ सय १५ रुपैंयाँ पुगेको जनाएको छ ।

कर्जा लगानी तर्फ ०७० आषाढमा १ अर्ब ६३ करोड ७७ लाख ६९ हजार १ सय ८८ रुपैया रहेकोमा, ०७० पुसमा १० दशमलब २२ प्रतिशतले वृद्धी भई १ अर्ब ८० करोड ५० लाख ७९ हजार ५ सय ५० रुपैया पुगेको छ । सोही अवधीमा कुल शेयर पूँजी २४ करोड ७७ हजार ४ सय रहेकोेमा ०७० पुसमा ३ दशमलब ६३ प्रतिशतले बृद्धी भई २४ करोड ८८ लाख ३ हजार ४ सय पुगेको संस्थाले जनाएको छ ।

हालसम्म १० हजार १ सय २० जना शेयर सदस्य रहेको संस्थाले बहुउद्देश्यीय कार्यक्रम अन्र्तगत यसैवर्षदेखि चितवन जिल्लाको कुमरोज गा.वि.स नेपालकै ठुलो डेरी फार्म संचालनमा ल्याईने जनाएको छ । संस्थाले सिन्धुपाल्चोक जिल्लाको. लार्चा गा.वि.स वडा न.ं ४ तातोपानीमा संचालित ३ मेघावाटको भैरव कुण्ड हाईड्रोपावर प्रा.लि.मा समेत मुख्य लगानी रहेको छ । २०७० फागुन मसान्त देखी उक्त परियोजनाको उत्पादन कार्य सुरुवात हुने संस्थाका प्रमुख  कायर्कारी निर्देशक सुरेन्द्र भणडारीले जानकारी दिए ।