नेफ्स्कूनको आयोजनामा सूचना व्यवस्थापन प्रणाली विषयक अभिमुखीकरण कार्यक्रम

चितवन, ११ फागुन । नेपाल बचत तथा ऋण केन्द्रीय सहकारी संघ (नेफ्स्कून) ले सूचना व्यवस्थापन प्रणाली विषयक एक दिवसिय अभिमुखीकरण कार्यक्रम नारायणगढमा सम्पन्न गरेको छ ।

संघका संचालक नबराज सापकोटाको अध्यक्षतामा संघले सदस्य संस्थाहरुको कारोबारको जानकारी अध्यावधिक राख्न, राष्ट्रिय तथा अन्तरास्ट्रिय रुपमा सहकारी अभियानका यथार्थ जानकारी उपलब्ध गराउन सो कार्यक्रमको आयोजना गरिएको हो । त्यस्तै योजना नीति तथा निर्माणका लागि आधारभूत तथ्यांक उपलब्ध गराउन, सदस्य संस्थाहरु लाई उचित मार्गदर्शन गराउने कार्यका साथै सदस्य संस्थाहरुको तथ्यांक अध्यावधिक गर्न युग सुहाउँदो प्रबिधि आत्मसाथ गर्दै सदस्य सूचना प्रणाली प्रभाबकारी हुने आयोजकको भनाइ छ ।

अभिमुखीकरण कर्यक्रममा चितवन र नवलपरासीका ५७ सहकारी संस्थाका व्यस्थापक र कर्मचारीहरुले भाग लिएका थिए । सोहि अबसरमा नेफ्स्कूनका मनोज कार्कीले सहकारी सदस्य सुरक्षा योजनाको बारेमा जानकारी गराएका थिए ।