सहकारीको लगानीमा अत्याधुनिक डेरी

दाङ, २३ माघ । उद्यमशील कृषि बहुउद्देश्यीय सहकारी संस्था र जिआइजेडको संयुक्त आर्थिक लगानीमा दाङको लमहीमा अत्याधुनिक डेरी उद्योग सञ्चालनमा आएको छ ।

उद्योगले अत्याधुनिक प्रविधिबाट प्रशोधन गरिएको दूध बिक्री वितरण गर्ने जनाएको छ । त्यसैगरी उद्योगले दूधजन्य पदार्थहरू दही, आइसक्रिम कुराउने, छुर्पी र घ्यू पनि बिक्री वितरण गर्ने लक्ष्य लिएको संस्थाका अध्यक्ष माधवप्रसाद शर्माले जानकारी दिए ।

सहकारी संस्थाको एक करोड ३१ लाख ५६ हजार र जिआइजेडको एक करोड १० लाख गरी कुल दुई करोड ४१ लाख ५६ हजारको लागतमा निर्माण गरिएको उनले बताए । सो उद्योगमा हाल १२ जनाले रोजगारी पाएका छन् ।

उद्योगले हाल दैनिक तीन हजार दूध प्रशोधन गर्ने लक्ष्य रहेको जनाएको छ । दूध सङ्कलनका लागि लमही क्षेत्रका सात गाविसका ७ सय ८७ जना कृषकलाई व्यावसायिकरूपमा यसअघि नै तालिमसमेत दिइसकेको छ । त्यहा“का कृषकहरू अहिले उन्नत जातका गाई तथा भँैसीपालनमा लागिसकेका छन् ।