जनकल्याणको लगानी एक करोड २० लाख

हेटौँडा, २२ माघ । मकवानपुरको हेटौँडा–६ चौघडामा रहेको जनकल्याण बचत तथा ऋण सहकारी लिमिटेडले चालु आर्थिक वर्षको पाँच महिनामा एक करोड भन्दा बढि लगानी गरेको छ । जनकल्याणले चालु आव २०७०/०७१ को साउनदेखि मंसिरसम्ममा एक करोड २० लाख ७५ हजार रुपैँया लगानी गरेको हो ।

ग्रामिण भेगका सहकारीका सदस्यहरुलाई वित्तिय सहायता गर्दै आएको सहकारीले २८ महिलासहित एक सय ५ शेयर सदस्यलाई ऋण लगानी गरेको संस्थाका व्यवस्थापक प्रल्हाद शर्मा आचार्यले बताए । यो अवधिमा सहकारीले एक करोड १३ लाख ९ हजार रुपैँया असुली गरेको छ ।