चन्द्रागिरि साकोसमा ६ हजार सदस्य

काठमाडौं, २० माघ । चन्द्रागिरि बचत तथा ऋण सहकारी संस्थाले ६ हजार ५८ जना सदस्यहरुलाई सेवा प्रदान गर्दै आएको छ । कुल सदस्यहरुमा महिला ३ हजार ३ सय २२ र पुरुष २ हजार ६ सय ५३ रहेको संस्थाले जनाएको छ ।

संस्थाको गत आर्थिक वर्ष कुल ४ करोड १३ लाख शेयर पुँजी कायम भएकोमा आर्थिक वर्ष २०६९/७० मा ४ करोड ५५ लाख ८२ हजार ८ सय पुगेको संस्थाले जनाएको छ । अघिकतम सेयर लिने सदस्यको सेयर पुँजी १२ सय ५० कित्ता (१ लाख २५ हजार) र न्यूनतम २० कित्ता (२ हजार) रहेको छ ।

गत आर्थिक वर्षमा विभिन्न बचत सेवाबाट ३९ करोड ४४ लाख २१ हजार ८ सय ६८ मौज्दाज रहन गएकोमा आर्थिक वर्ष २०६९/७० मा १ अर्ब २१ करोड २६ लाख ९१ हजार ७ सय १३ निक्षेप संकलन गरी १ अर्ब १६ करोड ४७ लाख ७३ हजार १ सय ३१ फिर्ता गरी ४४ करोड २३ लाख ४० हजार ४ सय ५० निक्षेप बाँकी रहेको संस्थाले जनाएको छ ।

गत वर्ष विभिन्न ऋण शीर्षकबाट २८ करोड ८ लाख ३९ लाख ५ सय १० लगानी गरेकोमा यस आर्थिक वर्षमा ४३ करोड ४७ लाख १३ हजार ९ सय ३० लगानी गर्न सफल भएको संस्थाले जनाएको छ । संस्थाले आर्थिक वर्ष २०६९/७० मा ६ करोड ४७ लाख २२ हजार १ सय ४५ आम्दानी गरेको छ ।