डिभिजन सहकारी कार्यालयमा क्रेडिट इन्फरमेसन ब्युरो खोल्न माग

काठमाडौं, १६ पुस । साना ऋणीहरुले पनि विभिन्न संस्थाबाट ऋण लिएर भाग्ने प्रवृत्ति बढेको भन्दै १ लाख भन्दा माथी ऋण लग्नेको ३ पुस्तासहितको रेकर्ड डिभिजन सहकारीमा क्रेडिट इन्फरमेसन ब्युरो खोलेर राख्ने व्यवस्था गरिनुपर्नेमा सहकारीकर्मीहरुले माग गरेका छन् ।जिस्वाँ बचत तथा ऋण सहकारी संस्था अध्यक्ष कुबेर श्रेष्ठले यस्तो व्यवस्था गर्न आग्रह गरे ।

यस्तै जिस्वाँ बचत तथा ऋण सहकारी संस्था सातौं वर्षमा प्रवेश गरेको छ । संस्थाको सोमबार सम्पन्न छैटौं वार्षिक साधारणसभामा संस्थाले उल्लेख्य प्रगति जारी राखेको जानकारी गराइयो । अध्यक्ष कुबेर श्रेष्ठले संस्थाको प्रगति विवरण प्रस्तुत गरे । साधारणसभाले १० प्रतिशत नगद लाभांशको प्रस्ताव पारित गरेको छ ।

संस्थाले आर्थिक बर्ष २०६९÷०७० मा निक्षेप संकलन ३० प्रतिशतले र कर्जा लगानी ४३ प्रतिशतले बढाउन सफल भएको छ ।