काठमाडौका ४ सहकारीलाई कर्जा तिर्न बैंकको ३५ दिने ताकेता

काठमाडौ, १५ पुस । राष्ट्रिय सहकारी बैंकको कर्जा नतिरे पछि काठमाडौका ४ सहकारी संस्थाहरु कालो सूचिमा परेका छन् । बैंकले ति सहकारीलाई कर्जा तिर्न आउन ताकेता गर्दे ३५ दिने सुचना समेत जारी गरेको छ ।

बैंकले ति सहकारी संस्थाले ३५ दिन भित्र कर्जा चुक्ता गर्न नआए सहकारी एन नियम बमोजिम सञ्चालकहरुलाई समेत कालोसूचीमा राख्ने चेतावनी समेत दिएको छ ।

कर्जा तिर्न अटेर गर्ने सहकारीहरुमा नक्सालमा कार्यलय रहेको नेप्चुन बचत तथा ऋण सहकारी,बागबजारको माइक्रो नक्षत्र बचत तथा ऋण, कमलादीमा रहेको रोजगार विकास बहुउद्देश्यीयर त्रिपुरेश्वरमा रहेको प्याराडाइज बचत तथा ऋण सहकारी छन ।