उपासना महिला साकोसका समितिलाई प्रशिक्षण र अर्ध वार्षिक समिक्षा सम्पन्न

सहकारी खबर

३० माघ २०७७, शुक्रबार

काठमाडौं : नागार्जुन– ४ सितापाईला स्थित उपासना महिला बचत तथा ऋण सहकारी संस्थाले अर्ध वार्षिक समिक्षा तथा एक दिवसीय गोष्ठी सम्पन्न गरेको छ । बिहीबार सञ्चालक समिति, लेखा समिति र विभिन्न उपसमितिका पदाधिकारीहरुलाई एक दिवसीय गोष्ठी र अर्ध वार्षिक समिक्षा सम्पन्न गरेको हो ।

संस्थाको ११ औं वार्षिक साधारण सभाबाट निर्वाचित सञ्चालक समिति, लेखा समिति र विभिन्न उपसमितिका पदाधिकारीहरुलाई उनीहरुको काम, कर्तव्य, अधिकार र जिम्मेवारीको बारेमा जानकारी दिने उद्देश्यले गोष्ठीको आयोजना गरेको हो । विभिन्न समितिहरुको काम, कर्तव्य र अधिकारको बारेमा प्रशिक्षक राजकुमार श्रेष्ठले प्रशिक्षण दिनुभएको थियो ।

त्यस्तै संस्थाले अर्ध वार्षिक समिक्षा पनि सम्पन्न गरेको छ । संस्थाको वर्तमान अवस्था, आगामी लक्ष्य, सम्भावना, अवसर र चुनौतीका बारेमा छलफल गरेको थियो । संस्थाको वर्तमान अवस्थाका बारेमा संस्थाका प्रशासनिक अधिकृत सलोनी मोक्तानले जानकारी गराउनु भएको थियो ।

संस्थाका अध्यक्ष अमरावती बलामी महर्जनले संस्थाको , आगामी लक्ष्य, सम्भावना, अवसर र चुनौतीका बारेमा जानकारी गराउनु भएको थियो । संस्थाको अर्ध वार्षिक समिक्षा गोष्ठिमा वार्षिक कार्ययोजना कार्यान्वयनको अवस्था बारेमा समेत जानकारी गराउनु भएको थियो ।

संस्थाको सेयर पुँजी १ करोड २५ लाख, बचत ६ करोड ६२ कर्जा ९ करोड र सदस्य संख्या ४ हजार रहेको छ ।

कार्यक्रममा संस्थाका सल्लाहकार राज्यलक्ष्मी श्रेष्ठ, अनुपमान राजभण्डारी, रामबाबु सेढाईले शुभकामना मन्तव्य राख्नुभएको थियो ।