सहकारी कविता

सहकारी खबर

२९ चैत्र २०७६, शनिबार

– रञ्जनमणि पौड्याल
तालिम अधिकृत, नेफ्स्कून

स
सहकारी म हुँ भन्छ ।
समाज घर ठान्दछ ।।
सदस्य शीरमा राख्दै ।
समृद्धि, न्याय खोज्दछ ।।

ह
हरित रंगमा रम्छ ।
हसिलो मन पार्दछ ।।
हराभरा धरा पार्न ।               (धरा.पृथ्वी)
हरदम धर्म गर्दछ ।।

का
कार्यक्षेत्र भित्र अट्छ ।
कानून ख्याल राख्दछ ।।
कारोवार सफा राख्ने ।।
काम हो गर्छु भन्दछ ।।

री
रीतको भरमा चल्छ ।
रीवाज प्रीत भर्दछ ।।
रीस कतै केही छैन ।
रीमा म बन्छु भन्दछ ।।        (रीमा.मायालु)