अब सहकारीलाई व्यवसाय गर्न बाधा अड्चन हुँदैन : मन्त्री प्रेमबहादुर आले

काठमाडौं : सहकारीसँग बाझिएका ऐन, कानुन संशोधन हुने वन तथा वातावरण मन्त्री प्रेमबहादुर आलेले बताउनुभएको छ । सहकारीमार्फत व्यवसाय गर्न विभिन्न ऐन बाधक देखिएको भन्दै त्यसलाई फुकाउन सरकार क्रियाशील रहेको धारणा उहाँले राख्नुभयो ।

राष्ट्रिय सहकारी महासंघले आयोजना गरेको ‘सहकारीमा युवा समावेशिता’ विषयक राष्ट्रिय गोष्ठीमा बोल्दै मन्त्री आलेले सहकारीसँग बाझिएका ४७ वटा ऐन संशोधन गर्न सरकार तयार भएको बताउनुभयो ।

संमृद्व नेपाल, सुखी नेपाली अभियान सार्थक बनाउन सहकारीको भूमिका महत्वपूर्ण हुने भएकाले सरकारले सहकारीलाई प्राथमिकतामा राखेको उहाँले बताउनुभयो । ‘अब सहकारीलाई व्यवसाय गर्न बाधा अड्चन हुने छैन’ उहाँले भन्नुभयो, ‘समस्या समाधान गर्नतर्फ सरकार अघि बढ्छ । सहकारीमार्फत उद्योग, शिक्षा तथा विकास निर्माण गर्न आवश्यक नीतिगत व्यवस्था गरिने छ ।’