१ असार २०७८, मंगलवार

रुपन्देहीका ९ वटा सहकारी एकीकरण हुँदै

२२ माघ २०७७, बिहीबार
रुपन्देहीका ९ वटा सहकारी एकीकरण हुँदै

रुपन्देही : तिलोत्तमा नगर पालिकामा रहेका ९ वटा सहकारी संस्थाहरु एकिकरण हुने भएका छन् । ७ वटा बचत तथा ऋण र २ वटा बहुउद्धेश्यीय प्रकृतिका सहकारी एकीकरण भई बचत तथा ऋण सहकारी संस्था बनाउने घोषणा गरिएको छ।

बुधबार एकिकरण संझौता हस्ताक्षर समेत भएको छ । ९ वटै सहकारी संस्थाहरुको सञ्चालक समितिको संयुक्त बैठकले एकिकरण कार्य सम्पन्न गर्न भरत भूसालको संयोजकत्वमा ११ सदस्यीय एकिकरण कार्यदल गठन गरि एकिकरण कार्य सम्पन्न गर्न अख्तियारी प्रदान गरेको छ । आदर्श बहुमुखी, आधारभूत बचत, जन्मभूमि बहुउद्धेश्यीय, नौकट्टी बचत, स्विकृती बचत, दयालु बचत, लोककल्याण बचत, धरती बचत र समावेशी कल्याण बीच एकीकरण हुन लागेको हो ।

कार्यदलले सम्पूर्ण प्रकृया पुरा गरी १ महिना भित्रै एकिकरण कार्यको कानूनी प्रकृया शुरु गर्ने जनाइएको छ ।

एकिकरण कार्यदलमा संयोजक भरत भूसाल, सदस्यहरुमा देवानन्द पाण्डेय, कृष्णप्रसाद अर्याल, डा।मुरारी पराजुली, चक्र पाठक, बिष्णुप्रसाद भण्डारी, बिष्णुप्रसाद पाण्डेय, टिकाराम न्यौपाने, देवप्रसाद गुरुङ, बिष्णुबहादुर बराल, माधवप्रसाद पाण्डेय चयन हुनु भएको छ ।

अभिलेख

लोकप्रिय