कोरोना नियन्त्रण सहकारी केन्द्रलाई मेगा ड्रिमको सहयोग

काठमाडौं, १२ बैशाख

राष्ट्रिय सहकारी महासंघको नेतृत्वमा सुरु भएको कोरोना सहकारी नियन्त्रण केन्द्रलाई मेगा ड्रिम बहुउद्देश्यीय सहकारी संस्थाले सहयोग गरेको छ ।

उक्त कोरोना नियन्त्रण केन्द्रलाई ५५ हजार ५ सय ५५ रुपैयाँ सहयोग गर्ने निर्णय सञ्चालक समितिले गरेको संस्थाका प्रबन्ध सञ्चालक महाशंकर रेग्मीले जानकारी दिनुभयो ।

चैत २० गते (६३ औं राष्ट्रिय सहकारी दिवस) का दिन नेपाल स्वास्थ्य सेवा सहकारी संस्थाले सञ्चालन गरेको मनमोहन मेमोरियल मेडिकल कलेज तथा शिक्षण अस्पताल स्वयम्भुमा उक्त सेन्टर स्थापना गरिएको हो । राष्ट्रिय सहकारी कोरोना नियन्त्रण सहकारी केन्द्र स्थापना भएको थियो ।

सहकारी क्षेत्रबाट भएको महत्वपूर्ण कामलाई संस्थाको तर्फबाट केही रकम सहयोग गरेको रेग्मीले बताउनुभयो । सहकारी क्षेत्रबाट भएको यो काम उदाहरणीय समेत रहेको रेग्मीको भनाई छ ।

चैत २० गते राष्ट्रिय सहकारी महासंघ, नेफ्स्कून, सहकारी बैंक र विभिन्न संघ/संस्थाबाट २५ लाख रुपैयाँ जम्मा गरेको उक्त कोरोना केन्द्रको स्थापना भएको थियो ।

सहकारी मन्त्री मद्माकुमारी अर्यालले उक्त केन्द्रको शुभारम्भ गर्नुभएको थियो ।