जनमुखी साकोसको अध्यक्षमा माधवप्रसाद दहाल

सहकारी खबर

२० माघ २०७७, मंगलवार

दोलखा : वैत्यश्वर गाउँपालिका– ५ स्थित जनमुखी बचत तथा ऋण सहकारी संस्थाको अध्यक्षमा माधव प्रसाद दहाल चयन हुनुभएको छ । अध्यक्ष पदका उम्मेदवार सिताराम दहाललाई ९ सय ९६ मतले पछि पार्दै माधव प्रसाद दहाल विजयी हुनुभएको हो । उहाँले १ हजार ९ सय ३० मत प्राप्त गर्नुभएको थियो । सिताराम दहालले ९ सय ३४ मत प्राप्त गर्नुभएको थियो ।

त्यसैगरी संस्थाको उपाध्यक्षमा गिताकृष्ण शर्मा विजयी हुनुभएको छ । शर्माले १ हजार ९ सय ५३ मत प्राप्त गर्नुभएको छ भने प्रतिद्धन्दी शंकर बस्नेतले ७ सय ७४ मत प्राप्त गर्नुभएको छ ।

त्यसैगरि काब्रे सदस्य तर्फ राजनकुमार दहाल १ हजार ४ सय ७७ मतका साथ विजयी हुनुभएको छ । नाम्दु सदस्यमा कमल चौलागाई १ हजार ९२ मतका साथ विजयी हुनुभएको छ ।

सहकारीको दलित जनजाति सदस्यतर्फ गीता भुजेल विजयी हुनुभएको छ । निर्वाचित पदाधिकारीलाई निर्वाचन अधिकृत तारा प्रसाद पन्तले सपथ ग्रहण गराउनुभएको छ भने सोहि अवसरमा प्रमाण पत्र प्रदान गरिएको थियो ।