हाम्रो साकोसको सेवा केन्द्र चापागाउँ र गोटिखेलमा, वित्तीय सेवा लिन सदस्यलाई अझै सहज

सहकारी खबर

९ फाल्गुन २०७७, आईतवार

ललितपुर : हाम्रो बचत तथा ऋण सहकारी संस्थाले २ वटा सेवा केन्द्र विस्तार गरेको छ । संस्थाले चापागाउँ र गोटिखेलमा सेवा केन्द्र विस्तार गरेको हो ।

फागुन ७ गते (शुक्रबार) चापागाउँ सेवा केन्द्रको उद्घाटन बागमती प्रदेशका सांसद चेतनाथ सञ्जेलले गर्नुभएको थियो । त्यस्तै फागुन ८ गते (शनिबार) गोटिखेल सेवा केन्द्रको उद्घाटन महाकांल गाउँपालिकाका अध्यक्ष रामचन्द्र दाहालले गर्नुभएको थियो ।

संस्थाको मुख्य कार्यालय ललितपुर महानगरपालिका–६ प्रयागपोखरीमा रहेको छ ।

२०७६ मंसिर ३० गते हाम्रो नमुना साकोस, हाम्रो थैली साकोस र सेवक साकोस बीच एकीकरण भई हाम्रो साकोस कायम भई एकीकरण भएको थियो ।

२०७७ असार मसान्तसम्म संस्थामा ५ हजार ४ सय ३० जना सदस्य रहेको छ । संस्थाको सेयर पूँजी १४ करोड ६ लाख, बचत ९७ करोड ५३ लाख, कर्जा १ अर्ब ५ करोड ८० लाख रहेको छ । संस्थाको २२ औं वार्षिक तथा एकीकृत साधारण सभा मंसिर १३ गतेदेखि २७ गतेसम्म सञ्चालन गरेको थियो ।