३ कराेड लगानीमा शिव शिखर सहकारीले खाेल्याे तुलसीपुरमा तेस्राे मार्ट

दाङ, १७ कात्तिक
तुलसीपुरकाे बाहिनी चाेकमा शिव शिखर बहुउद्देश्यीय सहकारी संस्थाले तेस्राे मार्ट सञ्चालनमा ल्याएकाे छ । संस्थाले तीन करोडको लागतमा ‘गार्डेन मार्ट’ साेमबारबाट सञ्चालनमा ल्याएकाे हाे ।

मुख्य कार्यालय भक्तपुरमा रहेकाे सहकारीकाे सेवा केन्द्रसंगै  तुलसीपुरमा मार्ट सञ्चालन गरेकाे हाे । जिल्लाका सबै क्षेत्रका उपभोक्तालाई सहज र सुलभ रूपमा आवश्यक सामग्री उपलब्ध गराउने तथा यहाँका नागरिकलाई प्रत्यक्ष रोजगारी दिने मुख्य उद्देश्यका साथ गार्डेन मार्ट सञ्चालनमा ल्याइएको संस्थाले जनाएकाे छ ।

मार्टले हाल ५० जना बढीलाई प्रत्यक्ष रोजगार प्रदान गरिरहेको छ । मार्टमा उपकार ब्रान्डका दैनिक उपभोग्य सामग्री, आधुनिक कृषि उपकरण, मर्मत सम्भारका लागि आवश्यक सम्पूर्ण पार्टपूर्जाहरू उपलब्ध छन् । त्यो बाहेक चामल, दाल, चिया, चकलेट, ध्यू, मह, जुस टिमुर लगायतका आफ्नै उत्पादन बजारमा सहकारीले बजारमा ल्याउने छ ।

त्यस्तै भाँडा वर्तन, श्रृङ्गारका सामग्री, स्टेशनरी, जुत्ता, ब्याग, बाल खेलाउना, लुगा, पिय पदार्थ लगाएतका सम्पुर्ण सामाग्रीहरु बिषेश छुटका साथ उपलब्ध गराउने छ ।

सहकारीले पहिलो मार्ट डडेलधुरा, दोस्रो मार्ट भक्तपुरमा र तेश्रो मार्ट दाङको तुलसीपुरमा सञ्चालनमा ल्याएको हो । सहकारीले देशैभर सहकारी मार्ट सञ्चालन गर्ने याेजनाका साथ अघि बढेकाे छ ।