जनहित बहुउद्देश्यीयको स्थापना दिवसमा बालबालिकालाई पौष्टिक आहार वितरण

दोलखा : भीमेश्वर नगरपालिका–३ स्थित जनहित बहुउद्देश्यीय सहकारी संस्थाले आफ्नो स्थापना दिवसको अवसरमा बालबालिकालाई पौष्टिक आहार वितरण गरेको छ ।

स्थापना दिवसको अवसमा सदरमुकाममा रहेको आवाज नेपालको संस्थामा रहेका बालबालिकाहरुको लागि पौष्टिक आहार वितरण गरेको हो । आवाज नेपालमा हाल २२ जाना बालबालिका रहेका छन् ।

संस्थाका अध्यक्ष दिनेश चन्द्र बस्नेतको अध्यक्षता सम्पन्न भएको कार्यक्रममा पौष्टिक आहार वितरण गरिएको थियो ।

२०५० सालमा स्थापना भएको जनहित बहुउद्देश्यीय संस्थाले सुरुमा रासायनिक मल, कृषि औजारहरु विरण गरेको थियो । २०६४ सालबाट वित्तीय कारोबार समेत सुरु गरेको थियो । संस्थाको कुल वासलात ३४ करोडको पुगेको संस्थाका व्यवस्थापक रमेचन्द्र बस्नेतले बताउनुभयो । हाल संस्थामा २ हजार ३ सय २७ जना सदस्य र ७ सय ७३ जना बाल बचतकर्ता रहेका छन् ।