अर्थभूमि साकोसमा गाभियो नयाँपुल, एकीकरणको लागि थप प्रयास जारी

सहकारी खबर

९ फाल्गुन २०७७, आईतवार

दोलखा : भिमेश्वर नगरपालिका स्थित अर्थभूमि बचत तथा ऋण सहकारीरु संस्थाले थप एक वटा सहकारी एकीकरण गरेको छ । बैतेश्वर गाउँपालिका–६ मा रहेको नयाँपुल बचत तथा ऋण सहकारी संस्थाबीच एकीकरण सम्पन्न गरेको हो ।

अर्थभूूमि साकोस २०७२ साल कार्तिक ११ गते ३ वटा सहकारी संस्था एकीकरण गरेको थियो । त्यस्तै २०७७ मा थप एक सहकारी एकीकरण गर्न सफल भएको हो । अर्थभूूमि साकोसले एकीकरण गर्न अन्य सहकारीहरुसँग पनि पहल गरेको संस्थाका अध्यक्ष कृष्ण प्रसाद दहालले बताउनुभयो ।

संस्थाको दर्ता ३३९/०५४/०५५ कायम गर्दै फागुन ७ गते बागमती प्रदेश भूमि ब्यवस्था, कृषि तथा सहकारी मन्त्रालयबाट स्वीकृत प्राप्त गरेको छ ।

हाल संस्थाको कार्य क्षेत्र दोलखा जिल्ला भर भए पनि साकोसले पहिलो चरणमा बैतेश्वर गाउँपालिकामा सेवा केन्द्र विस्तार गर्न र दोस्रो चरणमा कालिञ्चोक गाउँपालिका, विग गाउँपालिका र शैलङ्ग गाउँपालिकामा पनि कार्य क्षेत्र विस्तार गर्ने अध्यक्ष कृष्णप्रसाद दहालले बताउनु भयो ।

हाल संस्थाको मुख्य कार्यालय भिमेश्वर नगरपालिकाबाट र भिमेश्वर–५ बाट सेवा दिदै आएको छ । हाल संस्थामा ३ हजार २ सय २० सदस्य र ६ सय ३० बाल बचतकर्ता रहेका छन् । संस्थाको कुल वासलात २८ करोड रहेको छ । संस्था नेफस्कुनले संञ्चाल गरेको प्रोवेसन ब्राणमा पनि सहभागिता रहेको छ ।