आन्तरिक स्रोत परिचालन क्षमता बढ्नेगरी राजस्व नीति तर्जुमा गर्न अर्थमन्त्री डा महतको निर्देशन

काठमाडौं । अर्थमन्त्री डा रामशरण महतले समग्रमा लगानी बढ्ने, निर्यात बढ्ने, अर्थतन्त्रको आकार बढ्ने र निजीक्षेत्रको बिस्तार हुने ढंगले राजस्वसम्वन्धी नीति तर्जुमा हुनुपर्ने बताएका छन् ।

राजस्व परामर्श समितिको वैठकमा समितिका सदस्यहरुलाई निर्देशन दिदै उनले सो कुरा बताएका हुन् । अर्थतन्त्रको आकार त बढेको छ, यो राम्रो हो तर निर्यात बढ्न सकेको छैन । अर्थमन्त्री डा महतले भन्ने, ‘निर्यात बढाउन के कस्ता सुविधाहरु थप्न आवश्यक छ, तिनलाई अपेक्षित नतिजासहित सिफारिस गर्नुहोस् । यसका लागि सरकारले जस्तोसुकै सहयोग गर्न तयार छ ।’

निर्यात बढाउनका लागि बस्तुहरु गुणस्तरीय र प्रतिस्पर्धी हुनुपर्ने बताए ।  ‘यसका लागि के कस्ता सुविधा दिनु आवश्यक छ, प्रस्ताव गर्नुहोस । म सकारात्मकरुपले लिएर अगाडि बढ्नेछु ।’ अर्थमन्त्री डा महतले भने । निर्यातका लागि भ्यालु एड हुने बस्तु पहिचान गर्न पनि आग्रह गरे ।