सहकारी दिवसको नारा तय, भव्यताका साथ मनाउन राष्ट्रिय संघको आब्हान

काठमाडौं । राष्ट्रिय सहकारी संघले ५८ औं राष्ट्रिय सहकारी दिवसको नारा तय गरेको छ । यस वर्ष ‘आयात प्रतिस्थापन र सामाजिक न्यायका लागि सहकारी’ भन्ने नारा तय गरेको हो ।

संघले सम्पूर्ण संघ÷संस्थाहरु, सहकारीकर्मीहरु तथा सरोकारवाला निकायहरु आपसमा समन्वय गरी स्थानीय स्रोत र साधनको परिचालन गर्दै दिवस भव्यताका साथ मनाउन आब्हान गरेको छ । दिवसमा सत्साह र सक्रियातापूर्वक सहकारी र्याली, झाँकीहरुको प्रदर्शन, सहकारी क्षेत्रबाट अत्पादित वस्तुहरुको प्रर्दशनी तथा विक्रिवितरण, सहकारी निवन्ध÷कविता प्रतियोगितात्मक कार्यक्रम, अन्तरक्रिया, गोष्ठि, रक्तदान, सार्वजनिक स्थल सरसफाई, बृक्षारोपण जस्ता विविध कार्यक्रमहरु संचालन गर्न समेत आब्हान गरेको हो ।

दिवसले आम समुदायलाई सहकारीबारे जागरुक बनाउने, सरोकारवाला निकाय तथा राज्यलाई यसको महत्वबारे थप बोध गराउने तथा सहकारी अभियानप्रति सकारात्मक वातावरण बन्ने हुँदा दिवस पूर्ण सफल बनाउन सम्पूर्ण सहकारीकर्मीहरुको साझा दायित्व भएको संघले जनाएको छ ।