प्रतिभा बहुउद्देश्यीयको चौधौँ साधारण सभा

काठमाडौ । प्रतिभा बहुउद्देश्यीय सहकारी संस्थाको चौधौँ बार्षिक साधारणसभा सम्पन्न भएको छ । शुक्रबार सम्पन्न सभाको उद्घाटन राष्टिय सहकारी संघका अध्यक्ष केशब बडालले गरे ।
कार्यक्रममा संस्थाको आर्थिक तथा बार्षिक प्रगति विवरण प्रस्तुत गर्दै संस्थाका अध्यक्ष माधब प्रसाद तिमल्सिनाले  आर्थिक बर्ष२०६९।७०मा  संस्थाको शेयर पूँजी २ करोड २ लाख ५० हजार ४ सय रुपैया  रहेकोमा आर्थिक बर्ष २०७०।७१मा बृद्धि भै २ करोड ९ लाख ३४ हजार रुपैयाँ रहेको जानकारी दिए । यस्तै संस्थाले आर्थिक बर्ष २०७०।७१ सम्म १३ करोड ९१ लाख  ५२ हजार रुपैयाँ निक्षेप संकलन गर्न सफल भएको  तिमल्सिनाले  जानकारी दिए । यस्तै संस्थाले आगामि आर्थिक बर्ष भित्र संस्थामा आबद्ध सदस्यहरुलाई उत्पादन  क्षेत्रमा लाग्न प्रेरित गर्ने र स्वरोजगार बनाउने लक्ष्य लिइएको सो अबसरमा जानकारी दिइयो । हाल सम्म संस्थाले अफ्नो उद्देश्य बमोजिम कृषि र उत्पादन क्षेत्रमा सक्रिय भएर विभिन्न परियोजना समेत संचालनमा ल्याएको छ ।