कानुनको खिल्ली उडाउदै सहकारीमा यसरी हुन्छ ब्याजको प्रचार, नियमन निकाय मुकदर्शक

काठमाडौं, १ असोज । कम्जोर नियमनको फाइदा उठाउदै ललितपुर जिल्लामा मुख्य कार्यालय रहेको गोरखा सेभिङ एण्ड को अपरेटिभले सहकारी मापदण्डको ठाडो उल्लंघन गरेको छ । चाड पर्वको शुभकामना दिने नाममा एक दैनिक पत्रिकामा संस्थाले आफ्नो बचतका ब्यजदरको प्रचार गरेर नियमन निकायलाई ठाडो चुनौती दिएको छ ।
सहकारीहरुले ब्याजको प्रलोभन देखाइ र्सवसाधारणलाई ठगीने क्रम बढ्दै गए पनि  नियमन निकायले आइन्दा यसो नगर्नु भन्ने सचेत पत्र काटेर सस्थामा पठाउने बाहेक  अन्य काम गर्न नसकेको गुनासो बढ्दै गएको छ ।  सहकारीलाई ब्याजको प्रचार गर्न नियममा बन्देज गरिए पनि शहरका अधिकांश सहकारीहरुले होडिङ बोर्ड राखेर र दैनिक अखबारहरुमा विज्ञापन गरेर ब्याजको प्रचार गर्ने गरेको पाइएको छ ।