बिकु साकोस द्धारा बक्तृत्वकला प्रतियोगिता

गैंडाकोट, ३ भदौ । बिकु बचत तथा ऋण सहकारि सस्था लिमिटेडको २४ औँ बर्ष प्रवेशको अवसरमा अन्तरमावि र उच्च मावि स्तरिय बक्तृत्वकला प्रतियोगिता सम्पन्न भएको छ ।

प्रतियोगितामा जिवन उच्च मावि कावासोतीकी छात्रा लक्ष्मी बि.क प्रथम भएकी छिन् । त्यस्तै सेन्ट जोसेफ बोर्डिङ्ग स्कूल कावासोतिकी छात्रा पूजा तिमिल्सीना द्धितिय र नमुना उच्च मावि गैँडाकोटका विभोर गौली, जनता उच्च मावि कावासोतिकी संगीता कंडेल र अमरज्योति मावि अमरापुरीका छात्र प्रताप दाहालले सान्त्वना पुरस्कार प्राप्त गरेका छन् । विकु बचत तथा क्रण सहकारी संस्था लिमिटेडका अध्यक्ष हरिलाल सापकोटाको अध्यक्षतामा सम्पन्न बक्तृत्वकला प्रतियोगितामा साहित्यकार गोविन्द राज बिनोदीको विशेष आतिथ्यता रहेको थियो ।

वक्तृत्वकला प्रतियोगिताको निर्णायक मण्डलमा साहित्यकार रामहरी शर्मा, कृष्णदेबी श्रेष्ठ र समाजसेवी बेद प्रसाद गौँडेल रहरेका छन् । बक्तृत्वकला प्रतियोगितामा गैँडाकोट नगरपालीका र कावासोती नगरपालीका अन्तर्गतका मावि र उच्च मावि गरि २१ वटा विद्यालयहरुको सहभागिता रहेको थियो । उत्कृष्ट नतिजा हासिल गर्ने छात्र छात्रालाई २४ औँ बर्षको मूल समारोह भाद्र ५ गतेका दिन पुरस्कार वितरण गरिने विकुका प्रमुख अधिकृत माधव पौडेलले जानकारी गराए ।

यसै गरी २४औँ बर्ष प्रवेशको अवसरमा विभिन्न कार्यक्रम गर्ने क्रममा संस्थाले भाद्र ४ गते शुभेच्छुकहरुसंग अन्तक्रिया कार्यक्रम र ५ गते बार्षिकोत्सब मूल समारोह कार्यक्रमको आयोजना गरेको छ ।