सहकारी मन्त्रालयमा सचिव श्रीधर गौतम ल्याइए, विकास बोर्डको सदस्यसचिवमा प्रसन्नकुमार कोइराला नियुक्त

काठमाडैा, ३० साउन । सहकारी तथा गरिबी निवारण मन्त्रालयको सचिवमा श्रीधर गौतम आएका छन् । बिहीबार सम्पन्न मन्त्रिपरिषद्को बैठकले  सहकारी तथा गरिबी निवारण मन्त्रालयको  सचिवमा श्रीधर गौतम नियुक्त गरेको हो ।

राष्ट्रिय सहकारी विकास बोर्डका सदस्यसचिवमा प्रसन्नकुमार कोइरालालाई नियुक्त गरेको छ । बाबुराम भट्टराई सरकरले नेपाल ट्रष्टको कार्यालयमा खेदेका श्रीधर गौतमले सहकारी मन्त्रालयको जिम्मेवारी पाएका हुन । यस्तै सरकारले सचिव सुरेशमान श्रेष्ठलाई  पर्यटनमा सरुवा गरेको छ ।

श्रेष्ठ यसअघि श्रम तथा रोजगार मन्त्रालयमा थिए । सहकारी सचिव लालमणि जोशीको उमेर हदबन्दीले अवकाश भएको झण्डै एक महिनापछि सहकारी मन्त्रालयमा श्रेष्ठ आएका थिए ।तर मन्त्रालयमा आएको ३ महिना पनि नबित्दै सचिव फेरिएका हुन । जोशी भन्दा अघि रणबहादुर श्रेष्ठले समालेका थिए तर उनि केही उमेर हदका कारण अबकाश पाएका थिए।  करिब ३ बर्ष अघि सरकारले कृषि तथा सहकारीलाई अलग्याएर सहकारी तथा गरिबी निवारण मन्त्रालय गठन गरेको थियो ।