प्रतिनिधि विवादले संघमा खैलाबैला, ३० जना भन्दा बढी प्रतिनिधि राजनीति गर्न आएको आरोप

ललितपुर, २३ साउन । राष्ट्रिय संघमा नाम निसानानै नभएको ठाँउबाट प्रतिनिधित्व गरेका प्रतिनिधिहरुको व्यापक विरोध आएको छ । कम्तिमा ३० जना प्रतिनिधिहरु नामनिसानानै नभएको क्षेत्रबाट राजनीति गर्नका लागि संघमा प्रतिनिधित्व गरेको आरोप छ ।

१५ जना प्रतिनिधिले निर्वाचन मण्डलमा छानविनकालागि आज उजुरी दिएको छ । तत्काल छानवीन गरी यसको जवाफ दिन माग गरिएको छ । यस विषयमा निर्वाचन मण्डलले छानवीन गर्ने प्रतिक्रिया दिएको छ । यस विषयले संघमा खैैलाबैला मच्चाएको छ ।

सहकारीको नाममा राजनीति गर्नकालागि विभिन्न संघबाट प्रतिनिधित्व गरेको उनीहरुको दाबी छ । व्यक्तिगत स्वार्थका लागि यस्तो भएको उजुरी कर्ता गोविन्द पहाडीले बताए । उनी जिल्ला बचत संघ, पर्वतबाट प्रतिनिधि हुन् । विभिन्न पेशा र व्यवसायमा लागेको व्यक्तिहरु समेत सहकारीको प्रतिनिधित्व भएको उनको दाबी छ । नाम निसानानै नभएको संघबाट प्रतिनिधित्वको विरोध गरेको उनको भनाई छ । यस्ता प्रवृतीले सच्चा सहकारीकर्मीलाई बाधा भएको उनले बताए ।

काठमाडौंका केन्द्रिय निकायमा भएको व्यक्ति नाम निशानानै नभएको जिल्लाका विभिन्न संघबाट प्रतिनिधित्व गरेकाले विराध गरेको उनको भनाई छ ।