भारतमा मेगा बैंकको शाखा विस्तार गर्न माग

गत वर्ष बैंकले आफ्ना प्रवद्र्धक र सेयर धनीलाई पहिलोपटक नौ प्रतिशत नगद लाभांश बाँड्न सफल भएको बताउँदै उहाँले छोटो समयमा अन्य बैंकभन्दा बढी लाभांश बाँड्न सक्नु बैंकको उपलब्धि भएको दाबी गर्नुभयो । अध्यक्ष दाहालले बैंक तथा वित्तीय संस्थासँग गाभिन र एक्विजेसनमा जान पनि बैंक तयार रहेको बताउनुभयो ।

बैंकका निमित्त प्रमुख कार्यकारी अधिकृत अनुपमा खुञ्जेलीले चालु आर्थिक वर्षमा ग्राहकको मागबमोजिम भिसा कार्ड ल्याउने बताउनुभयो । उहाँका अनुसार गत आर्थिक वर्षसम्ममा मेगा बैंकले रु १७ अर्ब १५ करोड बराबर निक्षेप सङ्कलन गरेको छ भने रु १४ अर्ब ८७ करोड बराबरको कर्जा प्रवाह गर्न सफल भएको छ । त्यसैगरी बैंकको ग्राहक सङ्ख्या करिब एक लाख ३० हजार पुगेको छ ।
देशभर २८ वटा शाखा रहेको मेगा बैंकका ३१ वटा एटिएम सञ्जाल छन् । देशका ४७ वटा स्थानबाट अत्याधुनिक शाखारहित बैंकिङ सेवा प्रदान गरिरहेको बैंकले एक हजार १५० स्थानमा मेगा रेमिटको सञ्जाल विस्तार गरेको छ ।
वार्षिकोत्सवका अवसरमा आजै बैंकले अनाथ तथा असaहाय बालबालिका आश्रित काठमाडौँको धापासीस्थित पवित्र समाज सेवा नेपाललाई रु ९९ हजार ९९९ नगद सहयोग प्रदान गरेको छ । उक्त संस्थामा ३२ जना असहाय बालबालिका, महिला तथा वृद्धा आश्रित रहेको जनाइएको छ ।

काठमाडौँ, ७ साउन । मेगा बैंकका अध्यक्ष प्रा डा मदन दाहालले भारतका विभिन्न सहरमा बैंकको शाखा खोल्न माग आएको बताउनुभएको छ । बैंकको चौथो वार्षिकोत्सवका अवसरमा  आयोजित पत्रकार सम्मेलमा उहाँले भारतको सिक्किम, दार्जिलिङ र देहरादुनबाट बैंकको शाखा खोल्न माग आएको जानकारी दिनुभयो ।