जिल्ला बचत संघकाे अध्यक्षमा राजेश पण्डित निर्वाचित

पर्सा : जिल्ला सहकारी संघ, पर्साकाे राजेश पण्डित कुम्हार निर्वाचित हुनुभएकाे छ । शनिबार भएकाे निर्वाचनमा हरेराम प्रसादलाई ३ मतले पराजित गर्दै पण्डित अध्यक्षमा चयन हुनुभएको हो । उहाँका प्रतिद्वन्दी हरेराम प्रसादले ५९ मत प्राप्त गर्नुभएको थियो भने पण्डितले ६२ मत प्राप्त गर्नुभएको थियो ।

त्यसैगरी बरिष्ठ उपाध्यक्षमा पन्नालाल महतोलाई १२ मतले पछि पार्दै असगर अलि अन्सारी निर्वाचित हुनुभएको छ । त्यस्तै उपाध्यक्षमा दिल्लीविक्रम कार्कीलाई १५ मतले पछि पार्दै राकेश यादब विजयी हुनुभएको छ । यस्तै ४९ मत प्राप्त गरेका इश्वरचन्द्र यादबलाई हराउँदै ७१ मत प्राप्त गरी जिष्णु बराल महासचिबमा निर्वाचित हुनुभएको निर्वाचन समितिका सदस्य बृजकिशोर पटेलले जानकारी दिनुभयो ।

सचिबमा प्रदिप प्रसाद पटेललाई पराजित गर्दै प्रभावकर गुप्ता विजयी हुनुभएको छ भने रामजी मुखिया बिनलाई पराजित गर्दै नगनारायण सिँह कोषाध्यक्षमा चयन हुनुभएको छ । जम्मा १ सय ३३ मत रहेकोमा १ सय २१ मत खसेको निर्वाचन अधिकृत रामनारायण कुर्मीले बताउनुभयो ।

समितिको सदस्यहरुमा भगवती शर्मा, अरुण कुमार साह, गिरीराज कडेल, कुन्दन प्रसाद, विजय कुमार गुप्ता चयन हुनुभएको छ ।

संघको लेखा समिति संयोजकमा राजेन्द्र प्रसाद जयसवाल निरविरोध चयन हुनुभएको छ । त्यस्तै सदस्यमा हृदयनारायण साह र मनोज गुप्ता पनि निरविरोध निर्वाचित हुनुभएको निर्वाचन अधिकृत कुर्मीले बताउनुभयो । पुस मसान्तसम्म साधारणसभा सम्पन्न गरिसक्नु पर्ने कानुनी प्रावधान रहे